Tuesday, June 7, 2011

කාන්තාව

          ආදි කාලීන සමාජයේ මිනිසුන් කාන්තාව දෙස බැලුවේ එතරම් සුපසන් හැගීමකින් නොවේ.හුදෙක්ම මනුෂ්‍යයාගේ පැවැත්ම හා මිනිසාගේ අනෙක් අවශ්‍යතාවයන් පිරිමසා ගැනීමට නිමවුනු කොටසක් ලෙස ඔවුන් කාන්තාව හදුනාගෙන සිටියහ.  ඇය සමාජයේ පිළිගැනීමට ලක්වූයේම නැති තරම්ය.  ලෝකයේ විවිධ පුදේශවල ඒ ඒ ගෝතිකයන්ගේ ඇදහිලි  වලටද මේ මතයන් බෙහෙවින් බලපෑහ.

             අද සමාජයේ වුවද මේ මතය මුඵමනින්ම බැහැරව ගොස් නැති බව පෙනේ.  තවමත් ඉන්දියානු සමාජයේ ඇතැම් පුදේශවල කාන්තාවට එතරම් හොද පිළිගැනීමක් දක්නට නැත.  වසර 2කට පමණ පෙර සිනමා සාහිත්‍යයට එක්වූ “water නම් සිනමා පටය මීට හොදම නිදසුනකි.  දැරියක, තරුණියක, වැඩිහිටි කාන්තාවක ලෙස ද ඇයට ඉන්දියානු සමාජයේ හිමිව ඇති ස්ථානය මින් මැනවින් නිරූපනයවේ.

               196.....ගණන් වන තෙක්ම අරාබිකරයේ සාමාන්‍ය පවුල්වල උපදින ගැහැණු දරුවන් කුඩාකලම කාන්තාරයට ගෙන ගොස් පණපිටින්ම වලලා දමන්නට තරම් මිනිසුන් දරුණු විය.  ටයිපීස් නම් අපිකානු ගෝතිකයො රෝ බිය දුරුවීම හා වැසිඵල ලැබීමටත් තම වගාවන් සරු වී අස්වනු වැඩිපුර ලබාගැනීමටත්, දඩයම සාරවත් වීමටත් කන්‍යාවන් පිරිස් වශයෙන් එකතු කර “සයුරු දෙවියා හෙවත් මුහුදට බිලිදීම චාරිතයක් ව පැවතියහ.  මෙය ලෝක පුසිද්ධ දේශ ගවේශකයෙකු වූ මැක්ස් ඊස්ට්මන් තම “මෝබිඩික් නමැති පොතේ සනිටුහන් කලේය.

               අපිකානු රටවල අදටත් පවතින ඇතැම් චාරිතු විධි හා කාන්තාවන්ට ලදැරියන්ට ඔවුන්ගේ ආගමික පසුබිම තුල අත්වන ඉරණමත්, ඔවුන් වෙත එල්ලවන සමාජ සංස්කෘතික වැට කඩොලු බලපෑම් හා මිලෙජ්ජ ලිංගික අතවරයන් පිළිබදවද අපට අසන්නට ලැබේ.  අපිකානු මහද්වීපයේ සෝමාලියාව නම් රටේ කාන්තාරයක එඩේර කෙල්ලක ලෙස ඉපිද, විමුක්තිය අපේක්ෂා කරන දිරිය මවකගේ දිරිය දියණියක ලෙස හිරිමල් වියේදීම ගෙදරින් පලා ගොස් අනේකවිධ දුක්පීඩා මැද පසු කලෙකදී ජගත් විලාසිතා ලොව සුපිරි තාරුකාවක් වූ වාරිස් ඩයිරි නිර්ව්‍යාජ ලෙස ඉදිරිපත් කරන ලද “කාන්තාරයේ කුසුම නම් තම ජීවිත කතාවේ අපිකානු සමාජයේ කාන්තාවකගේ තත්වය මොනවට පැහැදිලි කරයි.  ඉතාමත් මිලෙජ්ජ ලෙස ලිංගික අතවරයන්ට ගොදුරු වන මෙම කාන්තාවන් පිලිබද සියැසින් දුරු අත්දැකීම් ඇය ඉදිරිපත් කරන්නේ ඇග කිලිපොලා යන අයුරිනි.

                ගැහැණියට ඇතැම් රටවල මේ ආකාරයට ඉතාමත් පහත්  කෘෘර අයුරින් සලකන්නේ වුවද බොහෝ බටහිර රටවල කාන්තාවන් පිරිමින් හා උරෙනුර ගැටී වැඩ කරති.  ඇය පිරිමියා අභිබවා යන තරම් බුද්ධියෙන් හා කියාශීලී බවෙන් අනූන බව සුපසිද්ධ මානසික විද්‍යාඥයෙකු වූ ආචාර්ය Josuwa Krese පවසා ඇත.  ගැහැණිය හා මිනිසා අතර පවතින ලිංගිකමය වෙනස්කම් නිසා ඔවුන් තුල ඒකීය සමානත්වයක් නැති බව පොදු මතය මුත් බුද්ධිමත් බවින් හා මනස කියා කරන ආකාරය සලකා බැලීමේදී කිසිම වෙනස් බවක් පල නොකරන බව ඔහුගේ න්‍යාය ධර්මයන් වැඩි දුරටත් පෙන්වා දුනි.

                 මනුෂ්‍ය වර්ගයාගේ පැවැත්ම වෙනුවෙන් කාන්තාවකගෙන් ලැබෙන දායකත්වය අතිමහත්ය.  මෙම කරුණ නිසාම ඇය සදාකාලිකවම ගෞරවාදරයට පාතුවන්නීය.  එබැවින් කාන්තාවන් පුරුෂයන් ගෙන බැලීමේදී ශාරීරික පදනමක් මතම තීරණයකට එළඹීමට උත්සාහ කිරීම උචිත නොවේ.  සාමාන්‍යෙයන් ගැහැණු ළමයෙකු පිරිසි ළමයාට වඩා සිඝු වර්ධනයක් පෙන්නුම් කරයි.  හෘදස්පන්දනයද වේගවත්වේ.  දත් ඒමේදී පිරිමි ළමයාට වඩා කලින් එය සිදුවේ.  නින්ද ලබන්නී පිරිමි ළමයාට වඩා අඩුවෙනි.  නමුත් ශාරීරික ශක්තිය හා ආහාර ගැනීමේදී ඇය පිරිමි ළමයාට පසුබා සිටී.

               ඉතා ඉක්මනින් දුකට පත්වන කාන්තාව ඒතරම්ම ඉක්මනින් තම සිත වෙනත් මගකට යොමු කර ගැනීමට සමත් වන්නීය.  කාන්තාව“ කාළගුණයට සමාන කොට ඇත්තේ විටෙක එනිසාම වන්නට ඇත.

                 ඇයගේ බාහිර පෙනුම මෘදු මොලොක් වුවද සිතින් බෙහෙවින්ම ශක්තිසම්පන්නය.  නැමෙන සුඵ ගතියක් පෙන්නුම් කලද එය එතරම් නිවැරිදි මතයක් නොවේ.  පිටතින් පෙනෙන්නට තිබෙන සංවර බව, මෘදු මොලොක් බව ලාලිත්‍යය, අවිහිංසකත්වය ඇයගේ ඇතුලාන්තව විදහා දක්වන්නේ නැත.  මේ බව මිනිස් සිත පිළිබදව කලකට ඉහතදී පර්යේෂණ කරන ලද ඇමෙරිකානු මනෝවිද්‍යාඥ  Stenly Milgreme කියා ඇත.

                කාන්තාවක සිය සියුමැලි බව රැකගැනීම උදෙමා සුසිනිදු සේලයෙන් වත වසා ගත්තද එය සැබවින්ම ඇගේ කැමැත්ත අනුවම සිදුවේද යන්න සිතා බැලිය යුතුය.  තම ශරීරය හිරවනසේ දළ ඇදුම් වලින් ගත වසා ගැනීම ඇගේ කැමැත්තය.  ඇය රඵ බවට සැබවින්ම ආශා කරයි.  නමුත් සදාචාරය, සංස්කෘතිය නමැති පවුරින් වටවූ ඇය තම ඇදුම් පැළදුමි තමන්ගේ අවශ්‍යතාවය සදහාම නොව අනෙක්වුන්ගේ අවශ්‍යතාව අනුව සකස් කර ගැනීමට පුරුදුව සිටින නිසා තම සිතැගි යටපත් කරගැනීමට ඇයට සිදුව ඇත.  අද ලෝකයේ කාන්තාවන්ගේ ඇදුම් සැබවින්ම විවේචනයට ලක්ව ඇත.

          186....ගණන්වලදී ඇමෙරිකානු සමාජය තුලද බෙහෙවින් සාදාචාර සම්පන්න ගුණගරුක තැන්පත් කුල කතුන් ගැන විස්තර සදහන්වේ.  එදවස ඔවුන්ගේ ඇදුම් පැළදුම්, සිතුමි පැතුම් බොහෝ දුරට චාම් ස්වරූපයක් ගත්හ.  ලෝරා ඉංගල්ස් වයිල්ඩර් විසින් ලියන ලද පොත් මාලාවේ ඇගේ ළමා කාලයේ සිට යෞවනියක වන තෙක්ම පැවති සමාජ රටාව මෙමගින් මැනවින් පෙන්වා දෙයි.

          1958 දී පමණ කාන්තාවන් 1000ක් පමණ දෙනා යොදාගෙන කරන ලද පර්යේෂණයකදී හෙළි වී ඇත්තේ ගැහැණියකගේ ආදරය දිනාගැනීමට නම් අවශ්‍යවන්නේ මුදල්  නොව හැඩිදැඩි සිරුරකින් හෙබි මනා පෞර්ෂත්වයක් බවයි. ඔවුන්ගේ වැඩි අවධානයක් යොමු වී ඇත්තේ උද්යෝගීමත් පිරිමින් කෙරෙහිය.  15%ක් පමණ විවිධ විලාසිතා හා මෝස්තර වලට යොමුවන්නන්  කෙරෙහි කැමැත්තක් දක්වා ඇත.

           බෙහෙවින්ම සංසුන් පිරිමින් කෙරෙහි කැමැත්ත පළකර සිටියේ 6%ක් පමණ වන සුඵතරයකි.  ඇමෙරිකානු හා ඉතාලි ජාතික කතුන් බොහෝසේ ඇලුම් කරන්නේ නීගෝ ජාතික පිරිමින්ටය.  එවැනි විවාහයන් 90%ක්ම සාර්ථකව ඇති බව සංඛ්‍යාලේඛන පෙන්වා දෙයි.

               එදිනෙදා ජීවිතයේදී මුහුණ පෑමට සිදුවන ගැටඵවලදී ගැහැණිය පිරිමියාට වඩා සාර්ථකව ඒවාට මුහුණ දෙයි.  ශෝකයකදී බෙහෙවින් ශෝක වන ඇය හඩා වැලපී තම දුක තුනී කරගන්නට සමත්වන්නීය.  

            හදිසි අවස්ථාවලදී රෝගියෙකුට උවටැන් කිරීමේදී පිරිමියා නිරන්තර කලබලකාරී ස්වරූපයක් පෙන්නුම් කරයි. නමුත් කාන්තාව සංසුන් මෙන්ම ඉවසීමෙන් හා අවබෝධයෙන්ද කටයුතු කරයි.

              නමුත් කාන්තාවකගේ පුධානතම දුර්වලතාවය වන්නේ ජීවිතයේ පැනනගින ගැටඵවලදී ඇය පුශ්ණයේ හරි අඩක් පමණක් විසදා එහි වැදගත් කොටස පිරිමියා මත පැවරීමයි.  උදා. ලෙස තම දෙමාපියන් විරුද්ධ වන පෙමි පලහිලව්වක් නිසා තම පෙම්වතා සමග පැනයන්නට තීරණය කරන ඇය, සිතට දැනෙන බිය, තාසය හා අන් අය තමාව ඉන් වලක්වාලයි දෝ යන සැකය තමා ගෙදරින් පැන යන අවස්ථාවට පමණක් සීමා කොට ඉන් අනතුරුව එළඹෙන පුශ්ණ කෙරෙහි සැලකිල්ලක් නොදක්වයි.  තමා යන්නේ කොතැනකටද? ඉන් අත්වන ඉරණම, ජීවත් වීමේ මග ආදී වැදගත් කරුණු වලට ඇගේ අවධානය යොමුවන්නේ නැති තරම්ය.  ඊට හේතුව ඇය සැමවිටම පිරිමියාගේ රැකවරණය මත යැපෙන්නියකගේ තත්වයට පත්ව සිටීමයි.

                කාන්තාව ජීවිතයේ වැඩි කාලයක් අනුන්මත යැපෙන්නීය.  කුඩා කල දෙමාපියන්, වැඩිහිටිවන විට තම ස්වාමියා හා මහඵ කල දරුවන්ගෙන් ආදී වශයෙනි.  ස්වෝත්සාහයෙන් ජීවිකාව ගෙනයන්නේ ඉතා අල්ප වශයෙනි.  ජීවිතයෙන් බොහෝ කොටසක් පසුතැවිල්ල, ශෝකය, බිය, පසුබෑම හා අවිවේකය මතම ගතකරණ කාන්තාව තම ජීවිතයෙන් 2/5ක් තරම රූපලාවණ කටයුතු කෙරෙහි අවධානය යොමු කරයි.  ශරීරය හැඩගැන්වීම, විවිධ මෝස්තර ඔස්සේ සිත මෙහෙයවීමට කාලය ගත කරයි.  ජීවිතයේ හරි අඩක්ම ඈ නින්ද වෙනුවෙන් ගත කරයි.  1/4ක කොටසක් ඕපාදූප වෙනුවෙන් කාලය ගත කරයි.  ඊටත් වඩා වැඩි කාලයක් සිතුවිලි අතර සිරවී සිටින්නීය.  පිරිමින් ආත්ම ශක්තියෙන් පිරි නිරතුරුවම තම දෙවුර මත වගකීම් දරා කියාශීලී ව සිටින අතර ගැහැණිය පිරිමියා ඉදිරියේ මදක් පසුබා සිටින්නීය.  නමුත් පෙරකල නම් පිරිමියා සිය කාය ශක්තියෙන් හා තර්කයෙන් කාන්තාව අභිබවා යන්නට උත්සාහ කලද වර්තමානයේ කාන්තාව එතරම් පසුබාන්නියක නොවේ.  අතීතයේදී ඇය පිරිමියාගේ අඩන්තේට්ටම්, කෙනෙහිලිකම් ඉවසා සිටියද වර්තමානයේදී නීතියේ පිලිසරණ පතන්නට පවා ඉදිරියට යන්නීය.  කාන්තා විමුක්තිය වෙනුවෙන් අරගල කරන්නීය.

                      බොහෝ විට පුරුෂයා කතා කරනුයේ යම් දෙයක් වටහා දීමේ හෝ තම අදහස් පුකාශ කිරීමේ අරමුනෙනි.  නමුත් කාන්තාව එසේ නොවේ.  ඇය කෙනෙකු පොළඹවා ගැනීමට හෝ කෙනෙකුගේ උදව්වක් අපේක්ෂාවෙන් කතා කරයි.  කරුණාව, දයාව, රූසිරිය, මුදුමොලොක් බව, නිතර වෙනස්වන සුඵ බව, කෙනෙක් පොළඹවා ගැනීමට ඇති හැකියාව, චපල බව, කාන්තාව සතු ගුණාංග වේ.  කාන්තාවකට මායම් 64ක් ඇති බව හෙළ පොත පතෙහි සදහන්වේ.

                  පිරිමියෙකුට ගැහැණියක නොමැතිව ජීවත් වීමේ හැකියාව වැඩි වුවද කාන්තාවකට ඒ හැකියාව නැත.  ඇයගේ පරිපූර්ණ බව පුරුෂයාය.  එමෙන්ම මිනිසාට සැනසීම ලබාදෙන්නී ගැහැණියයි.  සෙනෙහසේ මුල හෙවත් පටන් ගැන්ම ගැහැණියයි.  පසුකලෙක කෙතරම් උසස් තලයකට පැමිණියද, කෙතරම් ගැරහුම් අවමන් කලද රජුන්, මහාමාත්‍යාදීන් පමණක් නොව වීථියේ සරන හිගන්නා පවා මුලදී දෙපා තබා පළමු පියවර තබන්නේ කාන්තාවකගේ සුළැගිල්ලේ එල්ලීගෙන බව අමතක නොකල යුතුය.


                    මහාමායා දේවිය, විහාර මහා දේවිය, සංඝමිත්තා තෙරණිය, තෙරේසා මව්තුමිය, ප්ලෝරන්ස් නයිටිංගේල් වැනි කාන්තාවන් මුඵ මහත් ලෝකයටම ආශිර්වාදයකි. වර්තමානයේ කාන්තාව පුරුෂයා හා සමතැන් ඉල්ලා සිටින්නී ඇගේ දස්කම් විස්කම් ලොවට පාමිනි.  සෑම සාර්ථක මිනිසෙකු පිටුපසම ගැහැණියක් ඇත යන්න පතල මතයකි.  මා හැගි අදහස නම් කාන්තාවකට සම තැන නොව නිසි තැන ලැබිය යුතු බව සහ ලැබී ඇති බවයි.  ඒ නම් උතුම් වූ මාතෘත්වයයි.  ඕනෑම කෙනෙකුට ගැහැණියක විය හැක. එහෙත් දයාබර මව්කෙනෙකු විය නොහැකිය.  එබැවින් කාන්තාවක ගෞරවයෙන් යුතුව පුදනු ලැබීමට සුදුසුම තනතුරද මාතෘත්වයයි.


*     ගැහැණිය ආදරය කරන්නේ ආදරයට විනා පුද්ගලයාට නොවේ    (ජෝ වයිරන්)
*     ගැහැණුන් හැමවිටම කතාකරන්නේ හිතයට යමක් සගවාගෙනය   (පිලිප් ඩෙස්සම්)
*     මිනිසාගේ සිත අවුල් කිරීමටත්, අවුල් කල සිත පහන් කිරීමටත් පුඵවන්
       ගැහැණියටමය.                                                            (ඩේල් කානගී)
*     හැම ගැහැණියම ගැටඵවකි. ඇයට වුවත් සමහරවිට ඇයම ගැටඵවකි     (විලියම් තැචර්)
*     බිරිද හදුනාගැනීමට සැමියාගේ මුහුණ දෙස බැලිය යුතුය.   (ස්පාඤඤ වියතෙක්)
*     මිනිසුන් දහසක් එක්ව නිවසක් තැනුවද එය නිවසක් කල හැක්කේ
       ගැහැණියකට පමණි.                                                    (රොබට් පොර්ලෝන්)
*     කම්මැලි ගැහැණිය සමාජ උවදුරකි.                               (යූරි පීඩිස්)
*     ගැහැණියගේ සේවය පිරිමියාගේ සේවය තරමටම අගය නොකරන
       සමාජයේ සමබර දියුණුවක් ඇත්තේ නැත.                    (මහත්මා ගාන්ධි)
 

 

2 comments:

  1. මට නම් හිතෙන්නේ ඉස්සර තිබ්බ තත්වෙට වඩා අද කාන්තාවගේ තත්වය හොදයි. කියලා ඉස්සට ලංකාවේ තිබ්බෙම පුරුෂාධිපත්‍යයක් නේ. ගෙදර ඔක්කොම තීරන ගන්නේ පිරිමියා !!

    නමුත් දැන් තත්ත්වේ වෙනස් වෙලා. සතුටුයි නේ. :)

    ReplyDelete

කියවලා බලලා හිතට දැනෙන අවංකම දේ මෙතන කුරුටු ගෑවොත් ඒක මට ලොකු ශක්තියක්. ඒ නිසා ඔයාලගේ හැගීම් වචන වලට පෙරලන්න අමතක කරන්න එපා...!!!!!