පලාගිය සෙනෙහසක්....!!!!!

පුංචි දෑසට ඉනූ කදුලැලි

බර වැඩිද මන්දා

දුවේ නුඹගේ සටහනක් මත

වැටී බොදවී වියැලිලා තිබුණා

පුංචි කරදහි තීරුවේ නුඹ

ඇන්ද රූපය ඇයිද මෙලෙසින්

පොත් මිටිය අතරේ රුවාගෙන

සෙමෙන් ඉකිබින්දේ

කොතෙක් හැඩුවත් පුංචි දෝණී

අම්මා යළි නෑ නුඹ ලගට එන්නේ

මෙලෙස අප අතහැර ගියේ

වෙන කැදැල්ලක් තනන්නයි විගසින්

පිදූ සෙනෙහස රකින්නට බැරිවී

ඇය පලාගොස් නුඹට මට රහසින්......!



සිතුවිල්ලක්

දෙමාපිය කෙම්බිමේ
ලදඵ මතුකර සිනාසී
ලදැල්ලෙන් ලදැල්ලට
මහතුරක පෙරනිමිති මැද
වැඩෙන ඔබට,
වියළි හිරු කිරණ - නොදැනෙන්න ඇති
වියරු වැහි බිදු  - නොවැටෙන්න ඇති
මේඝ සුළි රැළි - හමුනොවෙන්න ඇති
දෙමාපිය සෙනෙහසේ
සෙවන බිදිමින්,

කාලයේ ගමන් මග
පියසටහන් ඉතිරිකර
ඔවුන් වියපත් වන විටදී
ඔබේ සෙනෙහසේ සෙවන
නිබද ඔවුනට සැලසිය යුතුයි.

විශ්වය ජය නොගත්තද
නුඹේ ජීවන තුර මත
ඵලයක් ඉතිරිවන
සුවදවත් සිතුවිලි කුසුම්
පිපෙන්නට ඉඩ දෙන්න
ඵලයක් ඉතිරි නොවන
අකීකරු සිතුවිලි
පිපෙන්නට ඉඩ නොදෙන්න.